ಅಂದು ಇಂದು...

ಅಂದು:
ಯಕ:ಶ್ಚಿತ್ ಓರ್ವ ಕಾಡುಗಳ್ಳನಿಂದ ಡಾರಾಜ್ ಕುಮಾರ್ ಅಪಹರಣವನ್ನು ತಡೆಯಲಾಗದ ಅಂದಿನ ಗೃಹ ಸಚಿವ ಮಲ್ಲಿಕಾರ್ಜುನ ಖರ್ಗೆಯವರು ರಾಜೀನಾಮೆ ನೀಡಿದ್ದರೇ?
ಸ್ವತ: ತನ್ನ ಪುತ್ರನೇ ಅರ್ಧರಾತ್ರಿಯಲ್ಲಿ ಎಂಪೈರ್ ಹೋಟೇಲಿನಲ್ಲಿ ಹಿಗ್ಗಾಮುಗ್ಗಾ ಪೆಟ್ಟು ತಿನ್ನುತ್ತಿದ್ದಾಗ ಬಚಾವ್ ಮಾಡಲಾಗದ ಕುಮಾರಸ್ವಾಮಿ ಯಾ ಅವರ ಗೃಹ ಸಚಿವರು ರಾಜೀನಾಮೆ ನೀಡಿದ್ದರೇ?
ಇನ್ನು ಕಾವೇರಿ ಗಲಭೆ, ಡಾರಾಜ್ ನಿಧನದ ಸಮಯದಲ್ಲಿ ಬೆಂಗಳೂರು ಹೊತ್ತಿ ಉರಿದದನ್ನು ವಿಪಕ್ಷೀಯರು ಮರೆತಂತಿದೆ.

ಇಂದು:
ಮಂಗಳೂರು ಪಬ್ ಗಲಾಟೆ : ಘಟನೆ ನಡೆದ ೧೦ ನಿಮಿಷದೊಳಗೆ ಪೊಲೀಸರಿಂದ ಕೆಲ ಅಪರಾಧಿಗಳ ಬಂಧನ. ೨೪ ಘಂಟೆಯೊಳಗೆ ಎಲ್ಲಾ ಅಪರಾಧಿಗಳ ಬಂಧನ.
ಕೇರಳ ಶಾಸಕರ ಪುತ್ರಿಯ "ಅಪಹರಣ" ಪ್ರಕರಣ : ಕೆಲ ಘಂಟೆಯಲ್ಲೇ "ಅಪಹರಣ"ಕಾರರ ಬಂಧನ. ಅಪಹರಣಕಾರರು ಶಾಸಕರ ಆಪ್ತರು ಮತ್ತು ಸ್ವಪಕ್ಷೀಯರು ಎಂಬ ವಾಸ್ತವ್ಯ ಬಯಲು. ಶಾಸಕರಿಂದಲೇ ತನಿಖೆಗೆ ಅಡ್ಡಿ. ಬೆಂಗಳೂರು ಪೊಲೀಸರು ಬಾಂಬ್ ಸ್ಪೋಟ ಭೇಧಿಸಿದ ದಿನದಂದೇ ಈ "ಅಪಹರಣ" ನಡೆದದ್ದು, ಎಲ್ಲಾ ಬಂಧಿತರೂ ಕೇರಳದವರು ಎಂಬುದು ಕಾಕತಾಳೀಯವೇ?
ಇನ್ನು ಮಂಗಳೂರಿನ "ಪತ್ರಿಕಾ ಸಂಪಾದಕ"ರ ಬಂಧನ ಪ್ರಕರಣದಲ್ಲೂ ಗೃಹ ಸಚಿವರನ್ನೆಳೆದು ತರುವವರ ಬಗ್ಗೆ ಮರುಕ ಪಡಬೇಕಾಗಿದೆ. ನ್ಯಾಯಾಲಯ ಜಾಮೀನು ರಹಿತ ವಾರಂಟ್ ಹೊರಡಿಸಿದರೆ ಅದಕ್ಕೂ ಗೃಹ ಸಚಿವರನ್ನು ದೂರುವವರು ಪ್ರಜಾಪ್ರಭುತ್ವದಲ್ಲಿ ಕಾರ್ಯಾಂಗ, ನ್ಯಾಯಾಂಗದ ವ್ಯತ್ಶಾಸ ತಿಳಿಯದಷ್ಟು ದಡ್ಡರೇ? ಅಥವಾ ಸಭಾತ್ಯಾಗಕ್ಕೊಂದು ಪಿಳ್ಳೆ ನೆಪವೇ?